FLASH
Shkruar nga Pamfleti
Një pasagjer grek është evakuuar nga anija turistike e prekur nga një shpërthim i hantavirusit është vendosur në karantinë në Spitalin e Përgjithshëm Universitar Attikon në Athinë.
Sipas mediave greke, pasagjeri, identiteti i të cilit nuk është bërë i ditur nuk ka shfaqur simptoma të sëmundjes.
Pasagjerët u evakuuan të dielën nga anija MV Hondius pasi anija mbërriti në Tenerife, ishullin më të madh në arkipelagun e Ishujve Kanarie të Spanjës, pranë brigjeve veriperëndimore të Afrikës.
Pasagjeri grek ishte midis 26 personave të transferuar në Eindhoven të Holandës të dielën në mbrëmje në bordin e një fluturimi holandez për evakuim. Nga atje, ai u transportua në aeroportin ushtarak të Elefsinës me një aeroplan C-130 të Forcave Ajrore Greke nën mbikëqyrje mjekësore përpara se të transportohej në spital. Ai do të mbetet në karantinë për 45 ditë në një dhomë izolimi me presion negativ të përgatitur posaçërisht.
Në një postim në rrjetet sociale, Ministri i Shëndetësisë Adonis Georgiadis tha se pasagjeri nuk kishte shfaqur asnjë shenjë ose simptomë të infeksionit, duke shtuar se ai ishte vendosur në karantinë si masë paraprake.
“Nuk ka absolutisht asnjë arsye për shqetësim”, tha ai.
Të paktën gjashtë persona që ndodheshin në anije rezultuan pozitivë. Tre persona kanë vdekur që nga fillimi i shpërthimit, përfshirë një pasagjer.
Ndërkohë një nga pasagjerët amerikanë në anijen turistike MV Hondius po riatdhesohet urgjentisht në Shtetet e Bashkuara, ka rezultuar pozitiv për hantavirusin pasi iu nënshtrua një testi molekular.
Lini një Përgjigje