FLASH
Shkruar nga Pamfleti
Pas tërmetit të fuqishëm me magnitudë 8.8 ballë në Oqeanin Paqësor, situata në disa rajone ka nisur të stabilizohet dhe autoritetet po pezullojnë paralajmërimet e hershme për cunami.
Filipinet kanë anuluar të gjitha alarmet për cunami, pasi matjet nuk treguan luhatje të rrezikshme të nivelit të detit apo valë shkatërruese. Po ashtu, në Japoni niveli i alarmit është ulur për zonat nga Kanto deri në Wakayama, duke mbetur i lartë vetëm për Hokkaido dhe Tohoku.
Në Hawaii, autoritetet kanë revokuar urdhrin e evakuimit për ishullin Oahu dhe qytetin Honolulu, ndërsa paralajmërimet për cunami janë ulur në nivel këshillues, duke u mundësuar banorëve të kthehen në shtëpitë e tyre.
Megjithatë, situata mbetet e tensionuar në bregdetin kilian, ku vazhdon alarmi i kuq për qytetet Arica, Parinacota dhe Magallanes, për shkak të rrezikut të mundshëm nga lëvizjet e detit pas tërmetit.
Autoritetet e mbrojtjes civile në rajon vijojnë të ndjekin nga afër zhvillimet, ndërsa ekspertët theksojnë se rreziku nga lëkundjet pasuese (aftershocks) mbetet i lartë në ditët në vijim.
Lini një Përgjigje