FLASH
Shkruar nga Pamfleti
Një provë për një shfaqje ushtarake në Malajzi përfundoi në tragjedi kur dy nga helikopterët e marinës pjesëmarrëse u përplasën në ajër dhe u rrëzuan. Si pasojë e aksidentit kanë humbur jetën 10 personat që kanë qenë në bord.
Siç shihet edhe në videot që kanë regjistruar momentin e aksidentit, njëri nga dy helikopterët goditi helikën e pasme të tjetrit duke i bërë ata të dalin jashtë kontrollit dhe përfundimisht të rrëzohen.
Sipas BBC, aksidenti ka ndodhur në afërsi të qytetit Lumut, ku ndodhet një bazë detare. Një nga dy helikopterët HOM M503-3 me shtatë persona u rrëzua në një fushë, ndërsa i dyti, një Fennec M502-6 me tre pasagjerë, u përplas në një pishinë në zonë.
Siç njoftoi marina e Malajzisë, “të gjithë pasagjerët e dy helikopterëve humbën jetën dhe trupat e tyre janë dërguar në spitalin bazë Lumut për identifikim”.
At least 10 people k1lled when two military helicopters collided midair in Lumut, #Malaysia. pic.twitter.com/gR45qrwjVZ
— Arthur Morgan (@ArthurM40330824) April 23, 2024
Lini një Përgjigje