FLASH
Shkruar nga Pamfleti
Presidenti i Francës, Emmanuel Macron, ka dënuar ashpër vrasjen e adoleshentit nga policia franceze. Ai tha se vrasja e një adoleshenti nga policia është e pafalshme dhe shtoi se asgjë nuk e justifikon vdekjen e një të riu.
“Kemi një adoleshent që është vrarë. Është e pashpjegueshme, e pafalshme”, tha Macron.
Reagimi i tij vjen pas tensione midis banorëve të zemëruar që i vunë flakën barrikadave dhe policisë që gjuante protestuesit me gaz lotsjellës në rrugët e lagjes Nanterre në perëndim të Parisit.
17-vjeçari Nahel u qëllua të martën në makinën e tij, pasi nuk iu bind urdhrit të policisë.
Një video që qarkullon në rrjetet sociale, tregon një oficer policie që i drejton armën shoferit të një makine, përpara se të dëgjohet një e shtënë. Makina më pas përplaset. Adoleshenti ndërroi jetë si pasojë e plagëve të plumbave në gjoks, pavarësisht ndihmës së urgjencës. Oficeri policor që dyshohet se qëlloi, u arrestua nën akuzën për vrasje.
Kujtojmë se, qeveria franceze bëri thirrje për qetësi pas trazirave në rrugët e Parisit.
Lini një Përgjigje