FLASH
Shkruar nga Pamfleti
Ministri i Turizmit dhe Kulturës, Blendi Gonxhja, i cilësoi protestuesit që kundërshtuan financimin e koncertit të Kanye West si "një tufë budallenjsh", gjatë mbledhjes së Komisionit të Ligjeve ku u diskutua Akti Normativ për financimin e eventit.
Gjatë fjalës së tij, Gonxhja deklaroi se një pjesë e protestuesve i kishin shkaktuar dëm vendit dhe koncertit, duke shtuar se, nëse do të kishin një NIPT, fatura prej 4 milionë eurosh e financimit do t'u takonte atyre.
Deklaratat u bënë gjatë mbledhjes së Komisionit të Ligjeve, ku u diskutua Akti Normativ për financimin e koncertit të reperit amerikan.
“Përballemi me një situatë ku koncerti u kthye në një mulli ere ndaj të cilit u lëshua çdo Don Kishot dhe çdo protestues i asaj pjesës që le të themi që po anatemonte dhe luftonte objektivin e gabuar, në këtë rast Kanye West dhe koncertin dhe i sabotuar, minuar dhe vënë në qendër të vëmendjes të një liste objektivash të një proteste që në disa aspekte të saj linte shumë për të dëshiruar.Flas për pjesën e dhunshme, bullizuese dhe pjesën që mendoj se nuk ka qenë e ndërgjegjshme për dëmet që mund t’i shkaktonte vendit dhe eventit dhe për dëme që ndoshta mund të maten edhe me fatin e kostos së faturës së këtij akti normativ.
Unë mendoj se nëse do të kishte një nipt ajo pjesë e protestës, kjo faturë e koncertit i takonte asaj pjesë të protestës që ose qëlimisht, ose nga padia, ose nga injoranca apo keqdashja.…”, theksoi Gonxhja.
Deklarata e Gonxhes u kundërshtua nga deputeti i Partisë Demokratike, Oerd Bylykbashi, i cili e cilësoi atë si fyese ndaj protestuesve.
Në përgjigje, Gonxhja e vijoi qëndrimin e tij, duke bërë edhe një koment tjetër për protestuesit.
“Nuk diskutohet respekti ynë për institucionin e protestës, por një tufë budallenjsh që gjuan me gurë dhe pllaka drejt parlamentit nuk diskutohet që populli e ka thënë hapi rrugë budallait. Ne atë tufë e cilësojmë të atij niveli.”, tha ai.
Gonxhja dhe Rama jane krye hajnat me te medhenj te ketij vendi qe kur njeri kryetar dhe tjetri nenkryetar bashkie dhe vazhdojne te vjedhin edhe sot e kesaj dite ne menyra galopante.
Do ti paguash edhe ti o Genxhja nje dite te gjitha faturate. Dhe ajo dite do te vij shpejt
Gonxhes i ka zene truri dhjame....Eshte ne prag demence. Vetem nje dritare trurit i funksionon, ajo per tu fryre ende me para.