FLASH
Shkruar nga Pamfleti
Autoritetet polake vendosën të mbyllin përkohësisht dy aeroporte mëngjesin e sotëm, si pasojë e sulmeve ruse në Ukrainë.
Aeroportet e mbyllura janë ato të Zjesufit dhe Lublinit, në juglindje të Polonisë, njoftoi sot Shërbimi Polak i Aviacionit në platformën X.
Ndërsa Komanda Operative e Forcave të Armatosura të Polonisë njoftoi se ka ngritur në ajër avionë luftarakë si përgjigje ndaj një sulmi të mundshëm raketor rus në territorin ukrainas.
“Për shkak të aktivitetit të forcave ajrore ruse me rreze të gjatë që godasin territorin e Ukrainës, Forca Ajrore ka nisur operacione në hapësirën ajrore polake”, theksoi komanda.
Ajo shtoi se avionët luftarakë polakë kanë filluar patrullimet, ndërsa sistemet antiaeronautike dhe radarët janë vënë në gatishmëri.
“Në thelb, këto operacione janë parandalues dhe kanë për qëllim sigurimin e sigurisë dhe mbrojtjen e hapësirës sonë ajrore, veçanërisht në zonat pranë territoreve që mund të jenë nën kërcënim”, thuhet gjithashtu në njoftim.
Komanda Operative e Forcave të Armatosura të Polonisë po monitoron situatën dhe forcat e saj mbeten të gatshme për t’u përgjigjur në çdo moment.
Lini një Përgjigje