FLASH
Shkruar nga Pamfleti
Në nivel ndërkombëtar, moszgjedhja në raundin e parë është një goditje brutale për Merzin. Të gjitha udhëtimet e huaja që Merz kishte planifikuar për ditët e tij të para si Kancelar janë në rrezik! Të mërkurën, Merz donte të fluturonte së pari për në Paris, pastaj për në Varshavë
Kreu i CDU-së, Friedrich Merz, ka dështuar që të marrë votat e nevojshme për të nisur punën si kancelar i Gjermanisë. Sot është zhvilluar raundi i parë i votimit, ku për zgjedhjen e kancelarit duheshin minimalisht 316 vota.
Por Merz ka siguruar 310 të tilla, çka vetëm për 6 vota, nuk ka arritur të marrë shumicën e nevojshme.
Për Merz votuan pro 310 deputetë, kundër 307 dhe 3 abstenuan.
Ky rezultat është konsideruar një humbje historike!
Mediat gjermane shkruajnë se 18 deputetë nga CDU/CSu dhe SPD kanë munguar në seancë, ose nuk kanë votuar, çka duket se e bën edhe më komplekse situatën, pasi ve në diskutim marrëveshjen mes dy forcave.
Çfarë ndodh më pas?
Këtë të martë, një raund tjetër votimi është i mundur vetëm në kushte të caktuara. Nëse jo, një raund tjetër votimi mund të caktohet për të premten.
Edhe në nivel ndërkombëtar, moszgjedhja në raundin e parë është një goditje brutale për Merzin. Të gjitha udhëtimet e huaja që Merz kishte planifikuar për ditët e tij të para si Kancelar janë në rrezik! Të mërkurën, Merz donte të fluturonte së pari për në Paris, pastaj për në Varshavë.
Politikania e Partisë së Gjelbër, Renate Künast, e sheh Friedrich Merz si “të dobësuar masivisht” pas humbjes në zgjedhje. Debakli i zgjedhjeve ishte “një bubullimë për të gjithë vendin”, tha Künast për kanalin televiziv Phoenix.
Me moszgjedhjen e Friedrich Merz si Kancelar, indeksi i aksioneve gjermane (DAX) gjithashtu ra menjëherë.
Tregjet e aksioneve reaguan pozitivisht kohët e fundit ndaj marrëveshjes midis CDU/CSU dhe SPD.
Eksperti i politikës së jashtme të CDU-së, Jürgen Hardt, shkroi në ‘X’: "ata në koalicion që nuk votuan për Friedrich Merz duhet të pyesin veten se çfarë biznesi po drejtojnë”.
“Deputeti i Parlamentit Friedrich Merz nuk arriti shumicën e kërkuar prej të paktën 316 votash”, njoftoi Presidentja e Bundestagut, Julia Klöckner, pas votimit të parë në Bundestag, në një kthesë shumë të papritur të ngjarjeve.
Klöckner ndërpreu seancën e Bundestagut. Grupet parlamentare tani janë gati të mblidhen. Koha e votimit të dytë është e paqartë.
Merz i mungonin 6 vota për t’u zgjedhur nga shumica e 630 parlamentarëve të Gjermanisë. Koalicioni i tij, i cili përbëhet nga blloku i tij konservator dhe Partia Social Demokratike (SPD) e qendrës së majtë, do të mbante një nga shumicat më të brishta parlamentare që nga Lufta e Dytë Botërore, me vetëm 52 përqind të vendeve. /Përshtati Pamfleti/
Lini një Përgjigje