FLASH
Shkruar nga Pamfleti
Zëdhënësi i Kremlinit, Dmitry Peskov, ka deklaruar ditën e sotme Presidenti rus, Vladimir Putin, si shumë lider të tjerë botërorë, është ftuar të bëhet pjesë e “Bordit të Paqes,” një trup ndërkombëtar i ri i krijuar për të adresuar konfliktet, duke filluar me situatën në Gaza.
Gjatë një konference për media në Moskë, Peskov shtoi se Rusia po shqyrton këtë propozim.
“Po, me të vërtetë, Presidenti Putin ka marrë përmes kanaleve diplomatike një ftesë për t’u bashkuar me këtë Këshill Paqësor. Aktualisht po analizojmë të gjitha detajet e propozimit, duke shpresuar gjithashtu për kontakte me palën amerikane për të sqaruar të gjitha nuancat”, tha ai.
Shtëpia e Bardhë njoftoi formimin e Bordit të Paqes të premten, duke e përshkruar atë si një organ që synon të “luajë një rol thelbësor në zbatimin” e 20 pikave të planit të Presidentit Trump për të vënë përfundimisht në fund luftën e Izraelit në Gaza dhe për të rindërtuar enklavën.
Bordi ka për qëllim gjithashtu “mbikëqyrje strategjike, mobilizim të burimeve ndërkombëtare dhe sigurimin e llogaridhënies ndërsa Gaza kalon nga konflikti në paqe dhe zhvillim.”
SHBA-të gjithashtu krijuan Komitetin Kombëtar për Administrimin e Gazës (NCAG) për të zbatuar fazën e dytë të Planit Komprehensiv të Trump për përfundimin e konfliktit, së bashku me një Bord Ekzekutiv themelues dhe një Bord Ekzekutiv të Gazës në mbështetje të NCAG.
Trump ka ftuar gjithashtu udhëheqës të tjerë botërorë për t’u bashkuar në këtë bord për Gazën, përfshirë edhe kryeministrin shqiptar, Edi Rama.
Ndërkohë Izraeli kundërshton udhëheqësit botërorë që Shtëpia e Bardhë ka zgjedhur për të qenë pjesë e të ashtuquajturit “Bordi i Paqes për Gazën” e që duhet të mbikqyrë përkohësisht qeverisjen dhe rindërtimin e Rripit.
Shtëpia e Bardhë dhe burime të tjera njoftuan një listë emërimesh dhe ftesash për organizata gjatë dy ditëve të fundit, përfshirë Presidentin turk Rexhep Taip Erdogan, Presidentin egjiptian, Abdel Fatah Al Sisi, ish-kryeministrin britanik Tony Blair dhe kryeministrin shqiptar Edi Rama.
Pa specifikuar se kë kundërshtonte konkretisht, Izraeli theksoi se disa prej emërimeve nuk ishin koordinuar me ta dhe se ishin kundër politikave të vendit.
Kryeministri Benjamin Netanjahu tha gjithashtu se ministri i Jashtëm izraelit do të kontaktonte me Sekretarin e Shtetit, Marco Rubio.
Lini një Përgjigje