FLASH
Shkruar nga Pamfleti
Po rikthehemi me artikullin dhe zbulime të reja për "marifetçinjtë" pasi ne jemi të vendosur për të nxjerrë të padrejtën dhe poshtërsinë nga kudo të fshihet qoftë edhe larg kufinjve të Shqipërisë. Për sa kohë është në të mirë të vendit tonë dhe të së ardhmes tonë, ky vend ka nevojë për njerëz me dinjitet që kur të shohin një të padrejtë dhe një shkelje ligji ti thonë ndal! E keqja nuk duhet anuar nga askush, pavarësisht sesi institucionet tona detyrohen nga kompani të ndryshme dhe nga individ të ndryshëm të mbyllin gojën ose përndryshe do kenë konseguenca. Shohim shumë raste konkrete në këtë vend që shkatërrohen prona si të jenë pa vlerë, sikur mbijnë nga toka natën dhe institucionet nuk kanë aspak dijeni. Sikur janë pak inspektoriate që mund të reagojnë në kohë e jo kur investimet kanë përfunduar. Hedhin poshtë pasuri që mund të ndalohen që në gjenezë dhe mjaft mirë do të shpëtonin të gjithë ato para që mund të investoheshin siç duhet e me kriter. Por jo, paraja jonë nuk vlen. Vlejnë vetëm paratë dhe investimet e "sahanlëpirësve" dhe oligarkëve që si të jenë të pistra apo të pastra nuk pyeten as për burimin e as për lejet përkatëse. Ngrihen vila, hotele, pallate e kulla dhe për ta nuk ka pasoja pasi kanë me vete shtetin.
Ashtu siç ju bëmë të ditur në artikullin paraardhës që do kërkojmë një linjë komunikimi me kompaninë që ka në pronësi Markën "B-52", patëm një bisedë me titullarët e kësaj kompanie dhe dëgjuam edhe më shumë çudira nga ato që kishim mësuar dhe çfarë ishte më kryesorja ata i ishin nënshtruar fatit. Po po , fatit të të bërit biznes në Shqipëri ku nuk mund të ngresh zërin dhe të kërkosh të drejtat e tua pasi këtu të degdisin dhe të bëjnë gjëmën institucionet dhe duhet të pajtohesh me të keqen. Po si ka mundësi që ky vend me kaq resurse dhe me biznese të suksesshme që jo pak kanë investuar dhe që kanë arritur të konkurojnë edhe tregjet ndërkombëtare nënshtrohen nga institucione të paafta e të korruptuara?! Një keqardhje e madhe për vendin ku jetojmë! Kanë të drejtë që shumica e njerëzve kërkojnë të largohen nga ky vend kur arrihet të nënshtrojnë bizneset që mbajnë vendin me taksat e tyre. Si mundet që populli mos të kërkojë të largohet kur këta ligjzbatues janë kaq të "babëzitur" dhe nuk lenë gjë pa bërë e pa kapur? Kompania që mban markën e "B-52" na pohoi me pikë dhe presje shkrimet dhe faktet që kemi publikuar deri më tani. Na vendosën në dispozicion plot vendime gjykatash, shkresa e kërkesa për zbatim drejtuar të gjitha institucioneve deri tek lartëmadhëria e tij me përgjigje kur të donin dhe si të donin ata pa logjikë juridike apo institucionale që ka si përkthim: Mbyllni gojën se do ju degdisim! Po marrim vetëm një vendim të Shkallës së Apelit ku gjykata shprehet qartë dhe saktë se "852" është një imitim servil i markës "B52" dhe që krijon konfuzion tek konsumatori , pra këtë markë do e blinin për "B-52". Tamam si rasti paraardhës, pra kjo që tani doli si gjoja "8S2" kur nuk ka asnjë ndryshim me "B-52" e as me "852" që gjykata shprehet prerë dhe qartë.
Vendimi i formës së prerë për "852"
Në kohën që u aplikua për markën 852 nga kompania e famshme holandeze, na u tha se në krye të DPPI ishte drejtori i famshëm Ervin Lako dhe se ky i fundit kishte pranuar se marka "852" nuk është e njëjtë me "B-52". Po specialistët dhe gjykatat pse thonë të kundërtën? Prej atëherë kompanitë e famshme holdandeze e shqiptaret distributor të tyre, paskan kapur institucionet. Gjithashtu këtij drejtori mos të harrojmë si i dolën të palarat në shesh me bordin e tij të ndritur që kishte ngritur ku një nga kryesueset e bordit ishte mbrojtësja e palës holandeze në konflikt të pastër interesi. Si ka mundësi që ky bord i famshëm i këtij drejtori nuk e gjente dot të përbashkëtën apo që ky produkt "852" ishte i njëjtë me "B-52"? Si ka mundësi që këto institucione thjesht të lexojnë këtë vendim ku qartë e saktë thotë se nuk lejohet të kenë regjistrime të ngjashme apo të njëjta me B52? Si ka mundësi që ditën për diell doganat ngrejnë traun dhe mbushin xhepat me para pa pikën e turpit dhe në shkelje flagrante të ligjit? Deri kur ky vend do të ketë këta lloj "monstash" që për tu pasuruar mbyllin gojën dhe boshatisin vendin tonë nga pakënaqësia e varfëria deri në palcë ku i paafti bën çfarë të dojë mjafton të jetë bërë vasal i një ministri apo drejtuesi? Asgjë nuk pritet përveç largimit pasi njerëzit kanë frikë të përballen me të keqen që na ka ozurpuar dhe ku krimi e korrupsioni mbyt çdo të mirë që kemi.
Lakuam emra bashkëpunëtorësh e pronarësh në fitime të cilët ishin njerëz të oligarkëve dhe ish deputetë por nuk kemi përmendur ambasada pasi nuk e kishim kapur në investigimet tona. Na doli edhe ndikimi që kishte bërë dhe bënte një ambasade e huaj që të thyej ligji e ku krerët e institucioneve tona lakonin që pija energjike po i bëhej pengesë për pranimin në BE. Po si mund të ishte ashtu kur vetëm fakti që kompania e famshme holandeze kishte vjedhur emrin e landit bavarez për birrën Bavaria tregon mjaftueshëm. Le të merren këta kryeministra e ambasadorë me gjermanët e ta nxjerrin nga BE për arsyen se gjermanët e pengojnë këtë kompani të shesë në shtetin e tyre. Pse nuk bëhen këto marifete edhe me Gjermaninë apo prej faktit se është shtet dhe me ata nuk luhet? Në shkrimet në vazhdimin do publikojmë fakte të tjera që tregojnë sa i thellë është korrupsioni e si këta "marifetçinj" kanë korruptuar çdo hallkë të këtij vendi. /Pamfleti
Lini një Përgjigje