FLASH
Shkruar nga Pamfleti
Grupi Parlamentar i Partisë Demokratike do të paraqesë së shpejti në Konferencën e Kryetarëve një kërkesë për zgjatjen me tre muaj të mandatit të Komisionit të Posaçëm për Reformën Territoriale.
Në kërkesën e depozituar, demokratët argumentojnë se një sërë objektivash të komisionit nuk janë përmbushur, ndaj vlerësojnë se puna e tij duhet të vijojë edhe pas përfundimit të afatit aktual.
Sipas PD-së, Kuvendi duhet të marrë masat për zgjatjen e mandatit të komisionit me tre muaj, duke mundësuar vazhdimin e veprimtarisë së tij edhe gjatë muajit gusht.
Sipas opozitës, marrja e opinionit zyrtar të Kongresit të Autoriteteve Lokale dhe Rajonale të Këshillit të Evropës është një hap i domosdoshëm përpara se Komisioni të mbyllë veprimtarinë e tij.
“1. Për zgjatjen e mandatit të Komisionit me 3 (tre) muaj, në mënyrë që të vijojë puna e Komisionit edhe gjatë muajit gusht dhe të mos konsiderohet e përfunduar veprimtaria e tij, dhe
2. Të merret paraprakisht opinioni zyrtar i Kongresit të Autoriteteve Lokale dhe Rajonale të Këshillit të Evropës mbi produktin/rekomandimet/sugjerimet e Komisionit të Posaçëm Parlamentar për Reformën Administrativo-Territoriale”, janë kërkesat e PD.
Lini një Përgjigje