FLASH
Shkruar nga Pamfleti
Sipas të dhënave paraprake, materiali ngre dyshime për sjellje të papajtueshme me funksionin publik, për shkelje të rënda etike dhe për marrëdhënie të dyshuara korruptive që, nëse provohen, do të cenonin seriozisht integritetin, autoritetin dhe besueshmërinë e institucionit.
Një investigim i emisionit “Stop”, i realizuar me asistencën e ekspertëve të Shoqatës “Media dhe Drejtësi”, pritet të vendosë nën trysni një nga institucionet më të larta të sistemit të prokurorisë në Shqipëri, institucion që në praktikë konsiderohet si “qeveria e prokurorëve”.
Sipas të dhënave paraprake, materiali investigativ përmban elemente që, nëse konfirmohen, mund të ekspozojnë një skandal të rëndë etik dhe institucional në zemër të drejtësisë shqiptare. Burime të sigurta bëjnë me dije se në fokus nuk është thjesht një episod privat apo një devijim individual, por një klimë e tërë sjelljesh të papajtueshme me funksionin publik, me standardet e etikës dhe me përgjegjësinë që duhet të mishërojë një institucion i tillë.
Pretendimet që shoqërojnë këtë material janë tepër të rënda. Sipas të njëjtave burime, në përmbajtjen e investigimit përfshihen dyshime për marrëdhënie të papërshtatshme, sjellje kompromentuese dhe afera që mund të kenë marrë formën e përfitimeve korruptive të lidhura me favore intime ose seksuale. Nëse një gjë e tillë provohet, atëherë nuk do të kemi të bëjmë më me një rast individual turpi, por me një krizë të pastër integriteti në një nga nyjet më të rëndësishme të shtetit.
Pesha e këtij materiali qëndron pikërisht te fakti se ai prek majën e sistemit të akuzës, aty ku ligji duhet të jetë i pastër, figura publike duhet të jetë e pakontestueshme dhe standardi moral duhet të jetë më i lartë se kudo tjetër. Çdo devijim në këtë nivel nuk dëmton vetëm individin e përfshirë, por minon seriozisht autoritetin e institucionit, besimin e publikut dhe vetë kuptimin e drejtësisë si shërbim ndaj qytetarëve.
Sipas burimeve, situata bëhet edhe më e rëndë nga fakti se në dijeni të këtyre rrethanave kanë qenë edhe anëtarë të tjerë të këtij institucioni. Disa prej tyre, sipas pretendimeve që qarkullojnë rreth kësaj dosjeje, nuk kanë qenë vetëm dëshmitarë pasivë apo tolerues të heshtur, por mund të kenë pasur edhe përfshirje të drejtpërdrejtë në sjellje të papërshtatshme dhe kompromentuese për funksionin publik që ushtrojnë.
Nëse kjo rezulton e vërtetë, atëherë kemi të bëjmë me diçka shumë më të rëndë se një skandal personal. Kemi të bëjmë me degradim institucional. Kemi të bëjmë me një ambient ku jo vetëm që nuk është reaguar për të ndalur devijimet, por ku sjelljet e disa individëve mund të kenë cenuar rëndë seriozitetin, autoritetin dhe besimin që qytetarët duhet të kenë te drejtësia.
Publikimi i këtij investigimi pritet të vendosë nën presion jo vetëm personat që mund të përmenden në material, por edhe të gjithë mekanizmat institucionalë që kanë për detyrë të garantojnë pastërtinë e figurës, etikën në ushtrimin e funksionit dhe llogaridhënien në nivelet më të larta të drejtësisë.
Në një kohë kur sistemi vazhdon të kërkojë besim, transparencë dhe standarde të forta integriteti, çdo pretendim i kësaj natyre kërkon verifikim të menjëhershëm, serioz dhe të paanshëm.
Problemi nuk është më vetëm çfarë ka ndodhur brenda një zyre, por çfarë ka ndodhur me vetë konceptin e reformës. Për vite me radhë, qytetarëve u është shitur ideja se drejtësia e re do të ishte më e pastër, më e pavarur, më profesionale dhe më e paprekshme nga korrupsioni, pazaret dhe presionet. U shpenzuan miliarda, u bë propagandë pa fund, u premtua epokë e re.
Por sot, nëse edhe këto pretendime rezultojnë të vërteta, atëherë tabloja bëhet brutale. Në vend të një sistemi të pastruar, qytetarët përballen me një drejtësi që zvarritet, me standarde të dyfishta, me propagandë të lodhshme dhe me një arkitekturë pushteti që në shumë raste duket se i shërben më shumë mbijetesës së vet sesa ligjit dhe interesit publik.
Kjo është arsyeja pse ky investigim pritet me kaq interes dhe me kaq ankth. Sepse nuk është thjesht historia e disa personave që mund të jenë diskredituar moralisht. Është prova nëse drejtësia shqiptare ka ende aftësi të pastrojë veten, apo nëse edhe majat e saj janë rrëzuar në të njëjtën baltë që premtoi se do ta pastronte./Pamfleti
Një shtëpi që i është prishur lavatriçja dhe askush nuk lanë rroba me dorë, domosdo që rrobat e pa lara do mbushin gjithë ambientet e shtëpisë. Po i bije që gjithë shteti të vetmen punë që ka bër me angazhim perfekt, është vidio për të gjithë si mjet shantazhi. Të gjithë kundër të gjthëve. Vetëm një qeverisje që nuk ndjek asnjë parim moral, etik, ligjor, për tu mbështet në traditat dhe vlerat më mira të kombit, e katandis vëndin kështu.
Drejtesia e rames Dhe drejtesia e veliajt qe dikur kercenonte te tjeret me spakun
Klgj ke milirda lek tendera vjedhje mbi 200 pinonjes ne klgj korrupsioni Laramie Rusi Baqali dhe xhevdet haxhiu klgj po video parat e popullit shqiptar
Ky shkrim/lajm domethene qe drejtesia po i afrohet Sandrit dhe Zamos. Ndryshe nuk sulmonte Stopi i Sandrit…
Edhe kjo që shkruhet dhe thuhet në këtë mënyrë, në vetëvete përbën një shantazh të pastër. Dikush duhet të marrë mesazhin dhe kjo është mënyra më e mirë për ta marrë. Përderisa aludohet,hamendësohet dhe asgjë nuk thuhet konkretisht vetëm këtë qëllim mund të ketë. Me hamendësime dhe aludime jemi deri në fyt, mjaft më se nuk zbuluat rrotën... .
E verteta eshte se kemi nje shtet dhe drejtesi me banda kriminale gjobbvenes e imoral te shthurur e te degjeneruar...
Keni 35 vjet , vetem krim dhe mashtrim ,politka dhe media. Qofte ajo publike apo rrjetet sociale. Beni mire ta lini ne hallet e veta kte popull te shumvuajtur.