FLASH
Shkruar nga PamfletiJu ftojme te ndiqni nje bllok lajmesh me zhvillimet kryesore nga kronika e zeze, ku nder te tjera vecojme:
SPAK ka marrë dëshmi kyçe nga dy të penduar për laboratorin e kokainës në Frakull, ku u sekuestrua drogë me vlerë rreth 40 milionë euro. Hetimet pritet të zbërthejnë të gjithë rrjetin kriminal.
Në një tjetër çështje, Gjykata e Tiranës ka shpallur në kërkim ndërkombëtar palestinezin Fadi Alwan, i akuzuar për vrasjen e vajzës së tij, pasi Libani refuzoi ekstradimin e tij në Shqipëri.
SPAK ka mbyllur hetimet edhe për Bashkinë Divjakë, ku pesë zyrtarë janë marrë të pandehur për shkelje të barazisë në tre procedura tenderimi me vlerë rreth 1 milion euro.
Ndërkohë, autoritetet kanë paralajmëruar qytetarët për rritjen e SMS-ve mashtruese “smishing”, që synojnë vjedhjen e të dhënave bankare përmes linqeve të rreme.
Në Shijak është zbardhur një rrëmbim dhe dhunë për para, me dy të arrestuar dhe një në kërkim, ndërsa në Fier një 47-vjeçar u gjet i vdekur pasi dyshohet se mbeti i bllokuar gjatë tentativës për vjedhje.
Në Vlorë, një fëmijë 2-vjeçar humbi jetën pasi ra aksidentalisht nga ballkoni i banesës, ndërsa në kufi priten bllokime të përkohshme për shkak të grevës së transportuesve në rajon.
Lini një Përgjigje