FLASH
Shkruar nga Pamfleti
Ish-prokurori Eugen Beci në podcastin “Të Pashoq” në kanalin në Youtube të “Pamfletit” ka velerësuar punën e deri tanishme të SPAK.
Ai deklaroi se puna deri më tani ka qenë e kënaqshme, por sipas tij SPAK duhet të heqë vëmendjen nga krimet e shkuara dhe të fokusohet tek ato që po kryen aktualisht në mënyrë që të parandalojë dëmet ekonomike që ato po bëjnë.
Pjesë nga intervista:
-Nëse do të vendoseshit në pozitat për të bërë një vlerësim me notë konkrete mbi punën e deritanishme të SPAK, cila do të ishte ajo?
Beci: Vlerësimi profesional do të ishte nota 7.
-Pse?
Beci: Për disa elementë. E rëndësishme është që kur të vendosësh të ushtrosh ndjekjen penale të zbatosh një më një të gjithë rregullat dhe normat që parashikon Konventa Evropiane e të Drejtave të njeriut dhe Kodi i procedurës penale dhe të mos kushtëzohesh në faktin që patjetër dikush dihet të futet në burg. E rëndësishme në ushtrimin e ndjekjes penale një prokurori kushtetuese në Republikën e Shqipërisë është zbatimi i të drejtave dhe lirive themelore të njeriut. Ti duhet që në bazë të procedurës të dënosh gjithkënd dhe të sekuestrosh pasuarit pa shkelur të drejtat dhe liritë e njeriut në të kundërt ajo kthehet në boomernga ndaj teje. E dyta të ndalet ndjekja historike, por të ndiqen dhe hetohen ato që po vjedhin aktualisht.
Lini një Përgjigje