FLASH
Shkruar nga Pamfleti
Trishtimi dhe dëshpërimi kanë përfshirë banorët që humbën shtëpitë e tyre pas zjarrit të fuqishëm që përfshiu një pallat në një kompleks banimi përballë Spitalit “Nënë Tereza” në Tiranë.
Pamjet nga vendngjarja janë të rënda. Një grua, që dyshohet të jetë banore e pallatit, qëndron e tronditur duke vështruar ndërtesën e djegur, me lot në sy, ndërsa përpiqet të përballet me humbjen.
Gjatë mëngjesit të sotëm, dhjetëra qytetarë dhe kalimtarë janë afruar pranë zonës për të parë nga afër pasojat e zjarrit, i cili ka shkaktuar dëme të konsiderueshme në një pjesë të mirë të pallatit.
Ndërkohë, autoritetet kompetente vijojnë verifikimet për të përcaktuar shkaqet e zjarrit dhe nivelin e plotë të dëmeve. Banorët e prekur mbeten në një situatë pasigurie, ndërsa kanë nevojë për mbështetje pas kësaj ngjarjeje të rëndë.
Lini një Përgjigje