FLASH
Shkruar nga Pamfleti
Besimtarët ortodoksë në mbarë vendin festojnë sot Pashkët, një nga festat më të rëndësishme të besimit të krishterë. Me lutje për paqe, shëndet dhe mirësi, ata morën pjesë në meshën e shenjtë të Ngjalljes së Krishtit në kisha dhe katedrale në të gjithë vendin.
Në Tiranë, ceremonia qendrore u mbajt në Katedralen Ortodokse “Ngjallja e Krishtit”, nën drejtimin e Kryepeshkopit Joan. Besimtarët ndezën qirinj, duke marrë me vete në shtëpitë e tyre dritën simbolike të Jezu Krishtit, që sipas besimit u ringjall.
Festimet pritet të vijojnë përgjatë gjithë ditës së diel, me aktivitete dhe vizita familjare që shoqërojnë këtë festë.
Pashka ortodokse kremtohet të dielën e parë pas ekuinoksit të pranverës, konkretisht pas hënës së parë të plotë të këtij sezoni. Sipas traditës biblike, ajo simbolizon kalimin nga vdekja në jetë, duke përkujtuar kryqëzimin e Krishtit në të Premten e Madhe dhe ringjalljen e tij në të Dielën e Pashkëve.
Lini një Përgjigje