FLASH
Shkruar nga Pamfleti
Gjykata e Lartë do të marrë në shqyrtim më 11 qershor kërkesën e Edison Memollës, i cili synon rrëzimin e vendimit të Apelit të Posaçëm që e dënoi me një vit burg për korrupsion në zgjedhje.
Për shqyrtimin e rekursit është caktuar si relator gjyqtari Genti Shala, ndërsa pritet që pas seancës të vendoset nëse do të lihet në fuqi apo jo vendimi i dhënë nga Apeli.
Kryebashkiaku i zgjedhur i Rrogozhinës ndodhet aktualisht në burgun e këtij qyteti, ku po vuan dënimin, pasi u shpall fajtor nga dy shkallët e gjyqësorit.
Memolla u vetëdorëzua në polici menjëherë pas vendimit të Gjykatës së Posaçme të Apelit, të shpallur më 9 shkurt 2026, dhe më pas u transferua në institucionin e vuajtjes së dënimit.
Hetimi ndaj tij nisi pas publikimit të një audio-përgjimi, ku ai dëgjohej duke komunikuar me një punonjës të OSHEE-së për të mos i ndërprerë energjinë elektrike një qytetari debitor, në kohën kur kandidonte për kryetar bashkie.
Ndërkohë, drejtimi i Bashkisë së Rrogozhinës vijon të ushtrohet nga një kryetar i komanduar.
Lini një Përgjigje