FLASH
Shkruar nga Pamfleti
Qytetarët e Durrësit kanë protestuar edhe ditën e sotme para Bashkisë, pas përmbytjeve që lanë nën pushtetin e ujit qindra banesa. Protestuesit kanë kërkuar dorëheqjen e kryetares Emirana Sako për shkak të abuzimit me fondet e kanalizimeve dhe projektin e hidrovorit në portin e ri të Durrësit.
Protestuesti gjithashtu kanë hedhur dyshime se ata banorë që sot nuk janë në protestë janë intimiduar dhe shantazhuar nga qeveria duke i kërcënuar me dëmshpërblimin.
“A keni gjë në dorë? Do ju vrasin? Unë jam nëna juaj jam 74 vjeç. A keni ju prindër? Gjithë ky popull kaq i mirë si po ju duron? U sos durimi!”, tha njëra nga protestueset.
“Është e qartë që të gjithë këta policë ka ardhur për të shoqëruar djemtë. Njërin e dërguan në komisariat. Këta nuk kapën asnjë nga ata që plasën fishëkzjarre për Vitin e Ri, por njerëzit e lirë. E drejta e protestës është e garantuar nga ligji dhe Kushtetuta. Ju lutemi mos u sprapsi. Disa janë intimiduar dhe nuk kanë ardhur sepse u kanë thënë nuk do t’ju japim dëmshpërblim. Kjo është qeveria e shantazhit. Ku ka para për shishe vere, ka edhe lekë për dëmshpërblime”, deklaron një tjetër banore.
Lini një Përgjigje