FLASH
Shkruar nga Pamfleti
Shqipëria arriti të kualifikohej në fazën “play off” të Botërorit si vendi i dytë në fazën e grupit. Kuqezinjtë ia dolën që të fitonin në transfertën e vështirë të Serbisë, 0-1, me golin e Manajt.
Menjëherë pas asaj ndeshje erdhi edhe lajmi i shkarkimit të trajnerit të Serbisë, Dragan Stojkoviç.
Ndërkohë sekretari i Federatës Serbe të Futbollit, Branko Radujko, i ftuar në “Mozzart Sport”, tregon sesi erdhi shkarkimi i Stjokoviç menjëherë pas asaj humbjeje me Shqipërinë.
“Pas ndeshjes unë shkova te Stojkoviç dhe i thashë: “Dragan, kaq, këtu mbaroi. As tifozët, as populli ynë e as Federata nuk mund ta durojnë më këtë. Duhet t’i japim fund tani.
Pastaj Stojkoviç më tha: “E kuptoj, e ndiej, do të shkoj te konferenca dhe do të them se do të largohem”. Doli dhe aty tha se do të largohej dhe la asistentin e tij për të drejtuar ekipin në Andorra”, tha Radujko.
Lini një Përgjigje