FLASH
Shkruar nga Pamfleti
Superliga shqiptare e futbollit nisi këtë të mërkurë me javën e 19, që përkon me fazën e tretë të Abissnet Superiore duke zbritur për herë të parë në fushë për vitin 2026. Në stadiumin "Adush Muça" të Ballshit, vendasit e Bylisit u mposhtën 0-1 nga Tirana. Një gol i Rafa Freitas në minutën e 63 nga pika e bardhë e 11-metërshit vendosi duelin.
Sfida ishte jetike për bardheblutë, që sigurojnë kështu fitoren e dytë këtë sezon. Pas fitores në derbin kundër Partizanit në raundin e gjashtë të sezonit, Tiranës i janë dashur 13 raunde për të shijuar sërish tri pikët.
Bardheblutë mbeten sërish në vendin e fundit të klasifikimit, por ngjiten në kuotën e 13 pikëve. Riformatimi i ekipit, largimi i dhjetë futbollistëve në merkaton e janarit apo afrimi i Xhixhës dhe Ernest kanë dhënë rezultatetet e duhura. Në Ballsh për Tiranën titullar luajti rikthimi i bujshëm, Redon Xhixha, i cili për 70 minuta që ishte në fushë mbajti shiritin e kapitenit. Pas fitores në Kupë kundër Skënderbeut, ky është suksesi i dytë për Tiranën këtë vit.
Superliga do vijojë sot me dy ndeshje të tjera për javën e 19. Duke nisur nga ora 17:00 luhen AF Elbasani-Flamurtari dhe Vllaznia-Egnatia.
Lini një Përgjigje