FLASH
Shkruar nga Pamfleti
Rreth 1000 tifozë janë evakuuar nga një metro në Mynih, pasi një alarm zjarri u aktivizua gjatë udhëtimit të tyre drejt ndeshjes gjysmëfinale të Ligës së Kampionëve mes Bajernit të Mynihut dhe PSG-së.
Policia e Mynihut njoftoi përmes një postimi në platformën X se ndërhyrja e zjarrfikësve në stacionin “Dietlindenstrasse” bëri të nevojshëm evakuimin e trenit, ku ndodheshin rreth 1,000 pasagjerë.
Autoritetet raportuan gjithashtu për ndërprerje të konsiderueshme të trafikut në zonë, ndërsa incidenti çoi në pezullimin e përkohshëm të linjës U6, e cila konsiderohet një nga lidhjet kryesore të transportit drejt stadiumit “Allianz Arena”.
Sipas informacioneve paraprake të publikuara nga gazeta gjermane “Bild”, alarmi i zjarrit dyshohet se u shkaktua nga një cigare elektronike. Për pasojë, treni u tërhoq nga shërbimi për arsye sigurie.
Deri më tani nuk raportohet për persona të lënduar, ndërsa autoritetet po vijojnë hetimet për të sqaruar plotësisht rrethanat e incidentit.
Aufgrund eines Feuerwehreinsatzes am U-Bahnhof Dietlindenstraße musste die U-Bahn mit ca. 1000 Fußballfans geräumt werden.
— Polizei München (@PolizeiMuenchen) May 6, 2026
Daher kommt es in diesem Bereich aktuell zu Verkehrsbeeinträchtigungen.
Wenn möglich, weiträumig umfahren. pic.twitter.com/DG0GxtuP2l
Lini një Përgjigje