FLASH
Shkruar nga Pamfleti
E ardhmja e Edon Zhegrovës te Juventusi mbetet e paqartë, teksa raportimet e fundit nga Turqia sugjerojnë një interes në rritje nga Beshiktashi për anësorin e Kosovës. Lëvizjet në merkato pritet të intensifikohen pas përfundimit të sezonit.
Sipas së përditshmes turke “Fanatik”, Beshiktashi e ka përfshirë Zhegrovën në listën e objektivave për afatin kalimtar të verës. Klubi nga Stambolli po shqyrton mundësinë për të paraqitur një ofertë konkrete dhe pritet të nisë kontaktet me Juventusin pas mbylljes së kampionatit.
Zhegrova iu bashkua Juventusit verën e kaluar nga Lilë për rreth 15 milionë euro, por deri tani nuk ka arritur të konsolidohet si titullar në formacionin e bardhezinjve.
Performancat e paqendrueshme dhe problemet fizike kanë ndikuar në minutazhin e tij, duke e lënë shpesh në plan të dytë në zgjedhjet e trajnerit.
Burime pranë klubit sugjerojnë se Juventusi është i hapur për të dëgjuar oferta për lojtarin, sidomos nëse ato afrohen me shumën e investuar për transferimin e tij. Në këtë kontekst, një largim gjatë verës nuk përjashtohet.
Raportimet përfshijnë edhe ndikimin e zhvillimeve të fundit në stafin teknik, të cilat mund të kenë rol në vendimmarrjen për të ardhmen e lojtarit.
Lini një Përgjigje