FLASH
Shkruar nga Pamfleti
Presidenti i La Ligës, Havier Tebas, ka pohuar se ylli i ri i Barcelonës, Lamin Jamal nuk e fitoi “Topin e Artë” për shkak të moshës së tij.
Sulmuesi i ri u kthye nga Parisi me Trofeun Kopa, por u mposht ngushtë nga Osman Dembele për çmimin e madh.
Tebas foli me gazetarët, duke zbuluar se mosha e Jamalit luajti kundër tij në vendimin për të mos i dhënë çmimin.
Ai parashikoi se 18-vjeçari do ta fitojë çmimin prestigjioz në të ardhmen e afërt nëse vazhdon të paraqitet në nivele të larta. Tebas tha për “GOAL”:
“Nëse do të kishte qenë më i vjetër se 23 vjeç, do ta kishte fituar “Topin e Artë”, jam i sigurt, por meqenëse është më i ri, i dhanë një tjetër trofe Kopa.
Nëse ai vazhdon në nivelin ku është, gjë që duket e mundshme, mendoj se nuk ka dyshim se do ta fitojë “Topin e Artë”, u shpreh Havier Tebas.
Lini një Përgjigje