FLASH
Shkruar nga Pamfleti
Trajner i ri dhe probleme të vjetra për Mançester Juanjtid në ndeshjen kundër Ipsuiçit në transfertë. "Djajtë e Kuq" nuk morën dot më shumë se një barazim 1-1.
Lojtarët e Amorim kaluan në avantazh që në minutën e dytë përmes Markus Rashford që finalizoi një aksion të bukur.
Vendasit rastin e parë serioz për gol e patën në minutën e 11, por Semi Szmodiks humbi një mundësi të artë shënimi. Në minutën e 42, Ipsuiçi barazoi rezultatin me Omar Hutchinson.
Miqtë patën mundësi të mirë për të kaluar në epërsi në minutën e 52, por goditjen e Liam Delap e priti për mrekulli Andre Onana.
Mançester Junajtid në anën tjetër nuk arriti të krijojë pothuajse asnjë rast të rrezikshëm pas golit të shënuar dhe kështu u desh të pajtohej me një pikë në ndeshjen debutuese të trajnerit Ruben Amorim.
Me këtë barazim, Juanjtid shkon në kuotën e 16 pikëve dhe mban vendin e 12 në tabelë, ndërsa Ipsuiçi ka 9 pikë dhe renditet në vendin e 18 që të dërgon në Championship.
Lini një Përgjigje