FLASH
Shkruar nga Pamfleti
Partizani ka arritur të marrë 3 pikët kundër Laçit në shtëpi. ‘Demat’ arrijnë suksesin pas shumë rasteve të humbura.
Traversa e kapur, mjaft goditje nga jashtë zone si dhe një gol i anuluar. Por për të çuar topin në rrjetë mendoi Albers Keko, i cili në minutën e 57, pas një krosimi të ëmbël e dërgoi në rrjetë topin me kokë.
VAR u bë protagonist kryesor në këtë takim. Laçi e nisi mirë startin me gol direkt, por festa nuk zgjati shumë. Ndërkohë të kuqtë me kalimin e minutave morën zotërimin dhe sa vinin bëheshin më të rrezikshëm.
Kështu, Partizani rikthehet në vendin e parë, vetëm pas 1 dite mungese. Vllaznia zbret sërish në vend të dytë prej ish-lojtarit të Korabit, Keko.
Në ndeshjen tjetër, Elbasani dhe Tirana kanë mbyllur në barazim supersfidën e javës së 14 të Superiores. Ndeshja e zhvilluar në stadiumin “Elbasan Arena” përfundoi me rezultatin 1-1.
Golin për skuadrën e Elbasanit e shënoi ish-i bardheblu, Ardit Hila. Në krahun tjetër, golin e barazimit te Tirana e shënoi qendërmbrojtësi francez, Dembele, i cili i dha 1 pikë ekipit të tij.
Vlen të përmendet se më herët se golat të shënoheshin, Tiranës iu anulua një gol. Pas rishikimit në VAR, goli i Gjumsit u anulua për pozicion jashtë loje.
Me këtë barazim, Elbasani shkon në kuotën e 18 pikëve në vendin e pestë. Në krahun tjetër, me 15 pikë të grumbulluara, Tirana mbetet e 7 në tabelën e renditjes.
Lini një Përgjigje