FLASH
Shkruar nga Pamfleti
Mançester Siti është ndalur pas 11 fitoresh radhazi në të gjitha kompeticionet, teksa ka barazuar në shtëpi përballë Çelsit në Premier Ligë, teksa e kanë mbyllur në barazim 1-1 supersfidën e Premier Ligës të luajtur në “Etihad Stadium”. Një rezultat që i lë “Qytetarët” katër pikë prapa kryesuesve të Liverpulit, por skuadra e Guardiolës ka një ndeshje për të rikuperuar.
Ishin londinezët që patën një mundësi të artë në minutën e 23 për të zhbllokuar ndeshjen.
Nikolas Xhekson u gjet i vetëm përballë portierit Ederson në zonën e rreptësisë, por gaboi në kontrollin e topit dhe braziliani i Sitit arriti ta ndalte me shumë lehtësi.
Ish-ylli i Sitit, Stërling ndëshkoi Ederson me një goditje perfekte me të djathtën dhe kaloi skuadrën e tij në avantazh në minutën e 42.
Mançetser Siti pati një mundësi të artë në minutën e 78 për të barazuar, por Erling Haland gaboi në mënyrë të pabesueshme nga një pozicion shumë i favorshëm.
Nuk gaboi Rodri, i cili realizoi golin e barazimit në minutën e 83 me një goditje të fuqishme dhe të saktë, i ndihmuar edhe nga një devijim.
Lini një Përgjigje