FLASH
Shkruar nga Pamfleti
Shqipëria nis me këmbën e mbarë miqësoret e qershorit. Kuqezinjtë kanë mposhtur me rezultatin e pastër 3-0 ekipin e Lihtenshtejnit.
Armando Broja ndëshkoi ekipin mik në minutën e 31. Pas një goditje dënimi të ekzekutuar shpejt, sulmuesi gjeti mbrojtjen të pavendosur dhe shënoi në portën kundërshtare.
Ekipi i drejtuar nga Silvinjo dyfishoi shifrat në minutën e 46. Jasir Asani ekzekutoi në mënyrë perfekte një goditje dënimi.
Ernest Muçi vulosi fitoren e thellë të kuqezinjve në minutën e 66. Nga një rrëmujë në zonën kundërshtare përfitoi ylli i kuqezinjve”, i cili me portën e boshatisur nuk e pati aspak problem të shtynte topin, duke regjistruar emrin e tij në listën e golashënuesve.
Shqipëria do të zhvillojë miqësoren e dytë më 7 qershor në orën 19:00 përballë Azerbajxhanit dhe më pas do të niset drejt Gjermanisë për të luajtur ndeshjen e parë të Kampionatit Europian përballë Italisë më 15 qershor në orën 21:00.
Lini një Përgjigje