FLASH
Shkruar nga Pamfleti
Telenovela më e gjatë futbollistike në merkato mbaroi me fundin e lumtur! Tani mund ta themi zyrtarisht: Kilian Mbape është futbollisti i ri i Realit të Madrid. Ëndrra e tij u realizua, ëndrra e shumë tifozëve “merengues” gjithashtu.
Ky është transferimi i shekullit duke ditur se do të jetë me parametra zero dhe në kulmin e moshës për atë që konsiderohet si pasardhësi i dyshes Mesi-Ronaldo në historinë e topit! Kilian Mbape firmos për 5 vite te Reali i Madridit, pra deri në vitin 2029.
Një telenovelë që për gati 3 vjet ka mbajtur të gjithë të ngjeshur përpara ekranit të telefonit në kërkim të lajmeve, në pritje të transferimit, por që pati kthesën finale korrikun e vitit të shkuar kur Mbape – pasi kishte rinovuar deri në 2025 me PSG – mori vendim për të mos ushtruar opsionin e rinovimit, duke ndarë rrugën e tij me klubin francez në fund të këtij maji dhe duke hequr dorë nga 80 mln eurot bonuse “besnikërie” që do të kishte marrë nësë rinovonte automatikisht sipas klauzolës.
Ai do të përfitojë një bonus 100 mln euro për 5 vite te Reali i Madridit, të ndara nga 20 mln euro, ndërsa rroga do të jetë gati e ngjashme me atë të Belingham ose Vinisius Zhunior (pra rreth 20 mln euro).
Kurioziteti – Kilian Mbape do të veshë numrin 9 në sezonin e tij të parë te Reali i Madridit. Ai do të marrë më pas numrin 10, pasi Modriç të tërhiqet nga futbolli ose të largohet nga Reali i Madridit edhe pse për kroatin pritet të jetë sezoni i fundit në aktivitet, pasi ka rinovuar edhe 1 sezon me 15 herë kampionët e Europës. Numri “9”, i cili dikur është mbajtur nga Kristiano Ronaldo.
Karriera – I lindur në Paris dhe i rritur në komunën Bondi ku luante edhe me ekipin “e shtëpisë” ashtu si fëmijët e tjerë, Mbape e filloi karrierën e tij futbollistike në vitin 2015 me Monakon qe kishte ndër skautët më të dalluar. Ai luajti tek Akademia e Monakos deri kur kaloi tepër i ri në ekipin e parë dhe fitoi titullin e Ligës 1 në sezonin 2016–2017.
Në vitin 2017, në moshën 18-vjeçare, Mbapee nënshkroi për PSG në një transferim të përhershëm me vlerë 180 milionë euro, duke e bërë atë lojtarin e dytë më të shtrenjtë ne histori (pas Nejmarit, 222 mln euro) dhe lojtarin adoleshent më të shtrenjtë të të gjitha kohërave.
Me PSG-në, ai fitoi gjashtë tituj të Ligës 1 dhe katër Kupa të Francës, duke përfshirë një “katërshe” në sezonin 2019–2020, ndërsa gjithashtu e drejtoi klubin në finalen e tij të parë të Ligës së Kampionëve të Champions League në vitin 2020. Ai është golashënuesi më i mirë i të gjitha kohërave të klubit parizien dhe renditet i treti në asistime, ndërsa është golashënuesi i shtatë më i mirë në historinë e Ligës 1 sipas sezoneve.
Në nivel ndërkombëtar, Mbape bëri debutimin e tij për Francën në vitin 2017, në moshën 18-vjeçare. Në Kupën e Botës FIFA 2018, Mbape u bë lojtari më i ri francez që shënoi në një Kupë Bote, si dhe adoleshenti i dytë, pas Pele, që shënon në një finale të Kupës së Botës.
Ai përfundoi si golashënuesi i dytë më i mirë i turneut, ndërsa Franca fitoi trofeun; ai vazhdoi të fitojë çmimet e FIFA-s për lojtarin më të mirë të ri dhe lojtarin francez të vitit për paraqitjet e tij. Ai gjithashtu ndihmoi Francën të fitonte në Ligën e Kombeve në vitin 2021, duke marrë çmimin e golashënuesit më të mirë në finale.
Në Kupën e Botës FIFA 2022, Franca arriti përsëri në finale; Mbape fitoi Këpucën e Artë dhe Topin e Argjendtë dhe vendosi rekordin për më shumë gola të shënuar në ndeshjet finale të Kupës së Botës, duke shënuar një hat-trick. Mbape është një nga dy lojtarët e vetëm që ka shënuar në dy finale radhazi të Kupës së Botës (tjetri ishte Vavá i Brazilit më 1958 dhe 1962).
Mbape përfundoi në vendin e tretë për "Topin e Artë" 2023 dhe ishte nënkampion për çmimin “Lojtari më i mirë i meshkujve” i FIFA-s për vitin 2022. Ai u emërua në FIFA FIFPro World11 në 2018, 2019, 2022 dhe 2023. Skuadra e Vitit e UEFA-s më 2018 dhe skuadra e sezonit të UEFA Champions League më 2016–2017, 2019–2020, 2020–2021 dhe atij iu dha "Golden Boy" më 2017, Trofeu Kopa në 2018, dhe u përfshi në listën e ngushtë për Sportistin Botëror të Vitit Laureus më 2019 dhe 2023.
Mbape është shpallur lojtari i vitit në Ligën 1 për pesë edicione, një rekord. Ai ka përfunduar si golashënuesi më i mirë i Ligës 1 për gjashtë sezone, rekord ky;
Në sezonin 2021–2022, ai u bë lojtari i parë që përfundoi si golashënuesi më i mirë dhe asistuesi më i mirë i Ligës 1. Në vitin 2023, ai ishte ndër 100 njerëzit më me ndikim të stiluar nga “Times” në botë dhe u rendit i treti në listën e “Forbes” të sportistëve më të paguar në botë.
hey aam your fan can you came to mi hose