FLASH
Shkruar nga Pamfleti
Ndeshja e sotme në Premier Ligë mes Totenhemit dhe Brajtonit, ka shënuar disa episode shumë interesante përtej asaj që dhuruan skuadrat në fushën e lojës. Në pankinën e të ekipeve ishin trajnerë italianë, me Kristian Stelinin nga njëra anë dhe Roberto De Zerbin në tjetrën. Të dy, duket se nuk kanë shumë miqësi mes tyre.
Që në fillimin e ndeshjes, duke i shtrënguar dorën njëri-tjetrit pas daljes së skuadrave në fushë, dy italianët filluan të ziheshin. Stelini, i cili ka qenë ndihmësi i Kontes, i thotë diçka De Zerbit dhe më pas mundohet të justifikohet me fjalët “të bëra vetëm një kompliment”. Por homologu i tij nuk e pëlqeu një gjë të tillë dhe nuk u kursye në kritika pa filluar mirë ndeshja.
Më pas, tensioni në pankinat e të dy skuadrave ishte i dukshëm edhe në vijimin e sfidës dhe pas protestave dhe përplasjeve verbale të vazhdueshme, në pjesën e dytë, gjyqtari nuk duroi më dhe i largoi të dy me karton të kuq. Kështu, ai mbylli para kohe sfidën mes italianëve, të cilën sa i përket rezultatit në fushën e lojës, e fitoi Stelini pasi Totenhemi i tij triumfoi 2-1.
Lini një Përgjigje