FLASH
Shkruar nga Pamfleti
Trajneri Xabi Alonso ka konfirmuar në një konferencë për shtyp këtë të premte se ai do të mbetet trajneri i Bayern Leverkusen edhe sezonin e ardhshëm.
Tekniku i Lverkusen ka hedhur poshtë të gjitha lajmet dhe interesimet e klubeve si Bayern Munich, Real Madrid apo Liverpool.
Ai shtoi se ky ishte vendi i duhur për të, teksa theksoi se kishte informuar lojtarët këtë mëngjes në bisedën e ekipit.
“Ne kemi pasur shumë spekulime në lidhje me të ardhmen time. Doja të përdorja pushimin ndërkombëtar për të reflektuar dhe marrë një vendim. Javën e kaluar, pata një takim shumë të mirë dhe informova klubin për vendimin tim për të vazhduar të jem trajner i këtij ekipi.
Ky është vendi i duhur për mua për t’u zhvilluar si trajner. Unë jam trajner i ri dhe tani ndjej se ky është vendi i duhur për mua. Lojtarët më kanë dhënë shumë arsye për të vazhduar të besoj në skuadër. E ndjej punën time këtu.
Ky është sezoni im i parë i plotë si trajner. Kam ende shumë gjëra për të provuar. Ndihem i qëndrueshëm në klub dhe me ekipin. Kam ndarë mendimet e mia me lojtarët dhe me drejtuesit. Duhet ta shijojmë këtë sezon. Do të jetë vërtet intensiv, por shpresoj me fund të lumtur.
Mua më duhej ta vendosja dhe të merrja vendimin e duhur, më pas ta ndaja me të gjithë. I informova lojtarët këtë mëngjes në bisedën e ekipit. I jam mirënjohës Leverkusenit që beson tek unë”, ka përfunduar Xabi Alonso.
Lini një Përgjigje