FLASH
Shkruar nga Pamfleti
Skuadra e Shkupit po përballet me një krizë të thellë, ku vendimet e fundit të Federatës Maqedonase të Futbollit po e shtyjnë drejt një situate alarmante që mund të kërcënojë edhe ekzistencën e tij.
Federata ka shpallur të papërshtatshëm stadiumin e Çairit për zhvillimin e ndeshjeve, për shkak të pamundësisë së aplikimit të teknologjisë VAR.
Si pasojë, Shkupi humbi në tavolinë ndeshjen e javës së dytë të kampionatit kundër Sileksit, pasi nuk arriti të siguronte një stadium tjetër deri në afatin e përcaktuar.
Propozimi për ta zhvendosur ndeshjen në Kumanovë u refuzua nga Federata, duke çuar në moszhvillimin e takimit. Sileksi ka bërë të ditur se pret tre pikët në tavolinë.
Kriza nuk mbaron këtu, pasi e njëjta situatë mund të përsëritet edhe në javët e ardhshme, duke e vendosur Shkupin në rrezik të madh për rënie nga kategoria para se të mbyllet gjysma e kampionatit.
Lini një Përgjigje