FLASH
Shkruar nga Pamfleti
Mançester Siti ka barazuar 2-2 me Kristal Palas në javën e 17 të Premier Ligës. Ekipi i Guardiolës, pa Haland për shkak dëmtimi, shpërdoroi një avantazh prej dy golash.
Ndeshja e luajtur në “Etihad Stadium” u zhbllokua në minutën e 24 nga Xhek Grilish, i cili gjeti golin në tri ndeshje radhazi të Premier Ligës për herë të parë në karrierën e tij.
Goli i dytë i Sitit erdhi në fillimin e pjesës së dytë dhe u realizua nga i riu Riko Ljuis, i cili dërgoi shifrat në 2-0.
Palas u kundërpërgjigjën në minutën e 76 duke ngushtuar diferencën me Mateta. Befasia erdhi në minutën e 95, kur Olize barazoi për Kristal Palas.
Fitore për Çelsin që është kthyer të buzëqeshë në kampionat pas dy humbjeve radhazi, duke mundur 2-0 në shtëpi Shefild Junajtid.
Heroi i ndeshjes ishte Palmer, autor i golit të parë dhe i asistit për golin e dytë. Minuta edhe për Armando Brojën, i cili u aktivizua në minutën e 75 në vend të Stërling.
Sulmuesi shqiptar pati një mundësi të artë në minutën e 83 për të dërguar shifrat në 3-0, por shpërdoroi një rast të artë në mënyrë të pabesueshme.
Tri pikë edhe për Njukasëllin, që mundi 3-0 Fulhamin.
Lini një Përgjigje