FLASH
Shkruar nga Pamfleti
Policia ka reaguar mbi ngjarjen tragjike në Rrogozhinë, ku lojtari i Egnatias ka ndërruar jetë. Sipas uniformave blu, është ngritur një grup pune për të përcaktuar shkaqet e vdekjes. Dyshimet e para janë probleme me zemrën, pasi lojtari ganez ka pasur shqetësime kardiake më herët.
“Në stadiumin “Arena Egnatia”, ku po zhvillohej ndeshja e futbollit të ligës “Abisnet Superiore”, midis ekipeve Egnatia dhe Partizani, në minutën ‘23-‘24, futbollisti i ekipit Egnatia, shtetasi R. D., 28 vjeç, kapiten i këtij ekipi, është ndjerë keq dhe ka rënë në tokë, pa ndjenja.
Menjëherë, janë futur në fushë, mjekët e ekipeve dhe autoambulanca, dhe futbollisti është transportuar në spitalin e Kavajës, por mjekët konfirmuan se 28-vjeçari kishte humbur jetën.
Është ngritur një grup i posaçëm hetimor dhe në drejtimin e Prokurorisë, po vijon puna për të sqaruar shkakun e humbjes së jetës së lojtarit, gjatë ndeshjes”, thekson policia.
Lini një Përgjigje