FLASH
Shkruar nga Pamfleti
Përfundon pjesa e parë e ndeshjes Shqipëri-Gjeorgji. Sfida e luajtur në “Air Albania” është mbyllur në barazim 0-0.
Kuqezinjtë e nisën menjëherë në sulm, pasi në minutën e 3, Hysaj pasoi nga e djathta për Manajn, por gjuajtja e tij u bllokua nga mbrojtësit gjeorgjianë.
2 minuta më vonë, Çakvetadze nga e djathta kaloi Mitajn dhe pasoi për Kvaran, por Kumbulla largoi rrezikun.
Në minutën e 12, Hoxha nga e majta hyri drejt qendrës dhe lëshoi një gjuajtje të fortë, por pa gjetur katërkëndorin e gjeorgjianëve.
4 minuat më vonë, Kiteishvili provoi nga distanca, pa gjetur portën e mbrojtur nga Strakosha.
Në minutën e 21, Asllani tentoi një skemë në goditje dënimi, harkimi i tij drejt Ismajlit u ndal nga Mamardashvili, para se arbitri të sinjalizonte pozicionin jashtë loje.
4 minuta më vonë, rast i rrezikshëm për miqtë me një top nga e djathta që fatmirësisht nuk u devijua nga Kvaratshkelia para portës.
Në minutën e 29, Asllani provoi të surprizonte gjeorgjianët, gjuajti nga distanca, por nuk pati saktësinë e duhur.
Në minutën e 35, Asani nga e djathta gjeti hapësirën për të nisur stopin drejt qendrës, por Mamardashvili ishte në pozicion dhe kontrolloi topin.
2 minuta më vonë, Arbër Hoxha nga e majta provoi me një tjetër gjuajtje nga distanca, por topi nuk mori trajektoren e duhur drejt portës.
Lini një Përgjigje