FLASH
Shkruar nga Pamfleti
Armando Broja foli përpara ndeshjes Shqipëri-Gjeorgji në të cilën ai nuk do të jetë i gatshëm për të luajtur. Sulmuesi ka pësuar një dëmtim, por nuk e braktis kurrë ekipin dhe sot do të jap kontributin e tij nga tribuna.
Broja kërkon një fitore nga shokët e tij si një dhuratë për datëlindje, të cilën e feston pikërisht sot. Ai shkon më tej, duke parashikuar se Asllani mund të shënojë sonte.
“Ishalla me fitore, kam datëlindjen dhe do të ishte më e bukur me fitore. Kjo është shtëpia jonë, shpirti jonë me këta tifozë. Ishalla është ndeshje e bukur dhe lojtarët të luajnë për tifozët.
Shpresoj të jem gati në tetor, kam një dëmtim të vogël dhe mezi pres të rikthehem në ekip e të luaj për tifozët.
I kam takuar lojtarët, Uzunin, Mitajn, Bajramin, ishin të gëzuar dhe shpresoj të fitojnë sonte. Do ishte një dhuratë e bukur.
Më mungon të luaj në “Air Albania”, janë 2 vite nga hera e fundit. Kam shumë qejf të luaj për Kombëtaren, më jep një ndjenjë shumë të bukur. Mezi pres të rikthehem të luaj këtu.
Evertoni vendimi i duhur? Shans shumë i mirë për mua, jam huazuar edhe te Sauthemptoni ku bëra emër. Pas dëmtimeve mund të filloj sërish si përpara me gola.
Festë private pas fitores? Të shohim, kam folur me çunat. (Qesh) Sonte do jetë e vështirë, por Asllani më duket se do të bëj gol”, tha Broja.
Lini një Përgjigje