FLASH
Shkruar nga Pamfleti
Mbrojtësi i Bayern Munchen, Matthijs de Ligt në konferencë para ndeshjes ndaj Lazios në Champions League, deklaroi se përballja me Lazion është shumë e rëndësishme.
Pavarësisht se Seria A është një kampionat i vështirë dhe Lazio një skuadër tepër e fortë, De ligt tha se nesër futen në fushë vetëm për të fituar.
Ndërsa sa i takon largimit të Tuchel nëse s’kualifikohen nga Champions League, De Ligt tha se nuk i takon atij që të komentoj për këtë situatë, por theksoi se në rast dështimi, faji s’është vetëm i trajnerit por edhe i lojtarëve.
“Nesër do të jetë një ndeshje e rëndësishme për ne. Për ne si skuadër dhe për klubin. Liga e Kampionëve është një kompeticion shumë i rëndësishëm për ne. Imobile? Është një sulmues mjaft i mirë që shënon gjithmonë. Ai pret për topa, që e bën atë më të vështirë për t’u markuar.
Seria A? Është një kompeticion me klube të mëdha dhe ndeshje të bukura. Por unë tani jam këtu dhe vetëm i përqendruar te Bajerni. Nëse flasim për vitin 2019, Lacio ishte një skuadër shumë e fortë. Pesë vite kanë kaluar që atëherë. Kam punuar me Sarrin për një vit. Mësova shumë nga puna e tij defensive. Por ne duhet të jemi të fortë për të fituar nesër.
Largimi i Tuchelit? Nuk jam unë që duhet ta analizoj këtë. Në fushë ke trajnerët dhe lojtarët. Por ne lojtarët jemi gjithashtu përgjegjës, ne bëjmë çdo gjë bashkë. Nëse trajneri ikën, atëherë dhe ne duhet të ikim, pasi as ne nuk kemi bërë një punë të mirë. Ne jemi në këtë fazë së bashku dhe duhet të dalim së bashku nga këtu. Ja pse nesër është një ndeshje e rëndësishme”, tha ai.
Lini një Përgjigje