
Partizani ndodhet në Pogradec, ku po zhvillon fazën përgatitore. Të kuqtë po stërviten intensivisht për dy ndeshjet e fillimit të korrikut ndaj BATE Borisov, të vlefshme për turin e parë kualifikues të UEFA Champions League.
Të besuarit e Zoran Zekiç zbritën sot në fushë, për një ndeshje miqësore. Kampionët e Shqipërisë kanë mundur me rezultatin 1-0 strugën e Shpëtim Duros në testin e parë miqësor.
Sfida ishte mjaft e fortë mes të dyja skuadrave, e cila u vendos nga goli i Mensah në pjesën e dytë. Kështu trajneri Zoran Zekiç e nis me një fitore aventurën e tij te të kuqtë.
Tekniku synon evidentimin e lojtarëve të rëndësishëm, të cilët mund të bëhen pjesë e skuadrës që ka në mendje për sezonin e ri futbollistik. Grupi është mjaft i mirë dhe do kërkohet arritja te trofetë.
Lini një Përgjigje