FLASH
Shkruar nga Pamfleti
Kristiano Ronaldo vazhdon të lërë gjurmë në futbollin botëror, këtë herë në Arabinë Saudite. Sulmuesi portugez ishte protagonisti kryesor në triumfin e Al Nassr, që siguroi titullin kampion pas një mbrëmjeje të mbushur me emocione.
41-vjeçari udhëhoqi skuadrën drejt suksesit me një paraqitje vendimtare, duke kontribuar edhe me gol. Ky është trofeu i parë i Ronaldos me fanelën e klubit saudit, një arritje që duket se ka pasur një domethënie të veçantë për yllin portugez.
Pas vërshëllimës finale, kamerat fokusuan disa herë Ronaldon të përlotur në stol, ndërsa më pas ai festoi me bashkëlojtarët dhe tifozët në stadium. Edhe pse gjatë karrierës së tij ka fituar pesë “Topa të Artë”, trofe të Champions League dhe tituj kampionë në disa vende të Europës, Ronaldo tregoi se vazhdon ta përjetojë futbollin me të njëjtin pasion dhe emocion.
Vëmendje të madhe në rrjetet sociale mori edhe momenti i festës me partneren e tij, Xheorxhina Rodrigez, e cila ndoqi ndeshjen nga tribuna së bashku me fëmijët e tyre. Pamjet e çiftit gjatë festimeve u shpërndanë me shpejtësi në internet, ndërsa tifozët e cilësuan mbrëmjen si një nga momentet më emocionuese të aventurës saudite të Ronaldos.
Lini një Përgjigje