FLASH
Shkruar nga Pamfleti
Nejmar do të rinovojë kontratën me Santos dhe tashmë mungon vetëm firma. Sipas “TyC Sports”, marrëveshja aktuale skadon më 30 qershor dhe zgjatja (kohëzgjatja e së cilës nuk dihet) mund të njoftohet zyrtarisht që këtë javë.
Jo vetëm kaq, pasi presidenti i Santos, Marcelo Teixeira, u takua me babanë e sulmuesit të Brazilit për të finalizuar detajet përfundimtare të nënshkrimit për një periudhë më të gjatë (kontrata aktuale ishte e vlefshme vetëm për gjashtë muaj). Ekipi do të kthehet në stërvitje të premten dhe pritet që atë ditë të mbërrijë lajmi për 33-vjeçarin.
Nejmar deri tani ka luajtur vetëm 14 ndeshje me Santosin, duke shënuar 3 gola. Ai nuk u përfshi në thirrjen e parë të Karlo Ançelotit te Brazili, por ai ëndërron të gjejë formën e tij më të mirë për t’u rikthyer për të veshur fanelën e Seleçaos.
Lini një Përgjigje