FLASH
Shkruar nga Pamfleti
Legjenda e Barcelonës, Kristo Stoiçkov, tregon se Lionel Mesi refuzoi një lëvizje në Arabinë Saudite sepse ai e do futbollin dhe nuk i do paratë.
“Pleshti” vendosi të mos bënte një lëvizje të madhe në Arabinë Saudite, tek Al-Hilal, ku thuhet se do të kishte fituar plot 400 milionë euro në vit, por zgjodhi që të nënshkruante për Inter Miami në MLS.
Stoiçkov ka treguar se legjenda e Barçës zgjodhi kundër ndjekjes së parave në Lindjen e Mesme dhe ai beson se arsyetimi pas kësaj është dashuria e Mesit për lojën e futbollit.
“Ne nuk luajtëm për para, ne luajtëm për dashuri”, ka thënë fillimisht Stoiçkov për Stats Perform.
“Kjo tregon madhështi. Për mua nuk kishte rëndësi të dija rrogën apo shpërblimet, për mua ishte më e rëndësishme të luaja dhe që njerëzit të më vlerësonin.
Agjentët kujdesen për gjërat e tjera. Mesi vjen të garojë dhe të luajë, dhe ai nuk kujdeset për paratë sepse e do futbollin”, përfundoi legjenda e futbollit.
Mesi nuk ka bërë ende debutimin e tij për Inter Miami; ai kishte planifikuar të luante kundër Kruz Azul, por pronari i klubit, Devid Bekam ka pohuar se mund të shtyhet debutimi, pasi trajneri Tata Martino po vlerëson formën fizike të argjentinasit.
Lini një Përgjigje