FLASH
Shkruar nga Pamfleti
Anglia dhe Norvegjia përballen mbrëmjen e sotme në Miami për një vend në gjysmëfinalet e Kupës së Botës 2026, në një nga sfidat më të shumëpritura të fazës me eliminim direkt.
Tashmë janë publikuar edhe formacionet zyrtare të dy skuadrave. Trajneri i Anglisë, Thomas Tuchel, ka vendosur të bëjë ndryshime në 11-shen titullare, duke lënë në stol Bukayo Sakan, ndërsa nga minuta e parë do të luajë Noni Madueke.
Në mbrojtje rikthehet John Stones, ndërsa Ezri Konsa merr një rol të rëndësishëm në prapavijë pas mungesës së Jarell Quansah, i pezulluar. Në sulm, “Tre Luanët” i besojnë kapitenit Harry Kane dhe yjeve si Jude Bellingham.
Në krahun tjetër, Norvegjia zbret në fushë me skuadrën më të mirë, duke i besuar yllit të saj Erling Haaland, i cili ka qenë një nga protagonistët kryesorë të këtij Botërori. Pas eliminimit spektakolar të Brazilit në fazën e 1/8-ve, skuadra skandinave kërkon një tjetër sukses historik.
Përballja në Miami zhvillohet edhe nën ndikimin e kushteve të vështira atmosferike, me temperatura të larta dhe mundësi për stuhi në zonën e stadiumit, faktorë që mund të ndikojnë në ritmin e ndeshjes.
Anglia kërkon të mbajë gjallë ëndrrën për trofeun e Botërorit, ndërsa Norvegjia synon të vazhdojë përrallën e saj në turne, pas një prej rezultateve më befasuese të këtij kompeticioni.
Formacioni zyrtar i Anglisë: Pickford; Konsa, Stones, Guéhi, O’Reilly; Rice, Anderson; Madueke, Bellingham, Gordon; Kane.
Formacioni zyrtar i Norvegjisë: Nyland; Ryerson, Ajer, Heggem, Wolfe; Berg, Berge; Bobb, Ødegaard, Schjelderup; Haaland.
Lini një Përgjigje