FLASH
Shkruar nga Pamfleti
Skuadra e Lekos ka shkruar historinë, duke u kthyer pas më shumë se një gjysmë shekulli në Serinë B. Ekip i vogël, ia ka dalë të triumfojë në play-offin e Serisë C, duke mposhtur në finale Foxhian favorite, për të siguruar ngjitjen që e priste prej shumë kohësh.
Pasi kishte fituar 2-1 ndeshjen e parë në transfertë, Leko bëri gjithçka mirë edhe në ndeshjen e kthimit në fushën e vet në këtë finale, duke siguruar suksesin falë edhe kontributit të një mesfushori shqiptar.
Erald Lakti, mesfushori i cili ka qenë më përpara pjesë e përfaqësueseve të moshave të Shqipërisë, u aktivizua si zëvendësues në radhët e skuadrës së Lekos në minutën e 64 dhe në minutën e 78, la shenjë në fatin e kësaj finaleje, teksa shënoi golin e rezultatit 2-1 që afroi më shumë kualifikimin për skuadrën e tij.
Ndeshja u mbyll me shifrat 3-1 për Lekon, që u kthye pas 51-vitesh në Serinë B, duke i dhënë mundësinë Laktit që vitin tjetër, 23-vjeçari të tregojë vlerat në një kampionat më të fortë.
Lini një Përgjigje