
Marash Kumbulla është lojtari i ri i Majorkës. Klubi spanjoll ka bërë zyrtar transferimin e tij, në formë huazimi nga Roma e cila ishte në pronësi të kartonit.
“Marash Kumbulla është një lojtar i ri i Majorkës. Mbrojtësi vjen si i huazuar deri në fund të sezonit nga radhët e Romës”, shkruhej në njoftimin në rrjetet sociale të klubit spanjoll.
Ndërkohë, në marrëveshjen mes palëve është përfshirë edhe një klauzolë që mund të paguhet nga Majorka për të blerë përfundimisht kartonin e Kumbullës, për një shifër që arrin deri në 8 milionë euro.
Ndeshja e radhës për Majorkën do të jetë në datën 23 gusht kundër Selta Vigos, me shumë gjasa pritet të ndodh edhe debutimi i Kumbullës.
La Liga nuk është një eksperiencë e re për 25-vjeçarin, pasi sezonin e kaluar ishte i huazuar tek ekipi i Espanjolit.
Ca nostra
— RCD Mallorca (@RCD_Mallorca) August 18, 2025
Ca teva pic.twitter.com/XNAdgKs1Hy
Lini një Përgjigje