FLASH
Shkruar nga Pamfleti
Kosova ka fituar 2-1 në “Fadil Vokrri” ndaj Islandës, në ndeshjen e vlefshme për play-off, ku dardanët duan të ngjiten në Ligën B, ndërsa islandezët të vazhdojnë të qendrojnë aty.
Goli i parë i takimit erdhi në minutën e 18 ku pas një topi të kthyer pas goditjes së dënimit, Lumbardh Dellova shënoi me një goditje të bukur në kufijtë e zonës së rreptësisë.
Islandezët u përgjigjën pas 3 minutash me golin e Oskarson, i cili pasi i shpëtoi bukur mbrojtësve Dardanë, dribloi dhe portierin Muriç dhë dërgoi topin në rrjetë duke barazuar shifrat 1-1.
Në minutën e 58, ishte Elvis Rexhbecaj që gjeti golin, i pari ky për të me fanelën e Kosovës. Pasi rrëmbeu topin nga këmba e kundërshtarit, bëri gjithçka mirë duke dërguar vetë topin në rrjetë.
Kujtojmë se ndeshja e kthimit në Islandë, do të luhet më 23 mars.
Lini një Përgjigje