FLASH
Shkruar nga Pamfleti
Silvinjo ka bërë një punë të jashtëzakonshme me Kombëtaren shqiptare, të cilën arriti ta kualifikonte në Kampionatin Europian pas një fushate kualifikuese fantastike.
Nën drejtimin e trajnerit brazilian, kuqezinjtë arritën të përfundonin në vendin e parë në grup duke i lënë prapa Kombëtaret si Republika Çeke e Polonia, ndërkohë që e siguruan pjesëmarrjen e dytë historike në Europian, pas asaj të vitit 2016.
E kjo punë fantastike e ish-futbollistit të Barcelonës dhe të Mançester Sitit nuk është lënë pa u vërejtur as nga Federata Ndërkombëtare e Historisë dhe e Statistikave të Futbollit.
IFFHS ka publikuar listën e 20 trajnerëve më të mirë të vitit 2023 aktualisht, ku ish-përfaqësuesi brazilian zë një vend mjaft të kënaqshëm.
Më saktësisht, Silvinjo e gjen veten në vendin e pestë në këtë listë prestigjioze, duke lënë prapa emra të mëdhenj, përfshirë këtu edhe kampionin e botës me Argjentinën, Lionel Skalonin.
Përpara trajnerit brazilian gjenden vetëm Luis de la Fuente i Spanjës, Stiv Klark i Skocisë, Didier Deshamps i Francës dhe Garet Sauthgejt i Anglisë.
Më poshtë mund të shihni listën e 20 trajnerëve më të mirë të vitit 2023 aktualisht, sipas IFFHS.
Më të mirët e vitit në secilën kategori, kjo e fundit do t’i zgjedhë në fund të muajit janar, si zakonisht, ndërsa juria përbëhet nga anëtarët e IFFHS-së gazetarët sportivë dhe ekspertë të futbollit nga mbi 100 shtete të botës.
Lini një Përgjigje