FLASH
Shkruar nga Pamfleti
Marash Kumbulla kaloi një sezon të vështirë, ku në javët e fundit të kampionatit ai pësoi një dëmtim të rëndë. Në ndeshjen ndaj Milanit, Kumbulla pati një përplasje me Oliver Zhiru dhe për pasojë, këputi ligamentin.
Operacioni i shkoi mirë mbrojtësit kuqezi, teksa ka nisur fazën e rikuperimit. Mbrojtësi është shfaqur ditën e sotme në qendrën stërvitore të Romës dhe do të ndiqet nga stafi teknik dhe ai mjekësor, për të bërë të mundur një rikuperim sa më të shpejtë të futbollistit.
Mediat italiane bëjnë me dije se Kumbulla mund të rikthehet në 100% e tij vetëm në fund të vitit, pasi dëmtime të tilla janë të rënda dhe rikuperimi zgjat deri në 6 muaj. Javët në vazhdim, pritet që Kumbulla të rinisë stërvitjen në fushën e blertë pa u sforcuar për të luajtur.
Mbrojtësi do të humbasë edhe ndeshjet e mbetura të Kombëtares shqiptare, të cilat janë të vlefshme për eliminatoret e kampionatit europian “EURO 2024”.
Lini një Përgjigje