FLASH
Shkruar nga Pamfleti
Presidenti amerikan Donald Trump ndërpreu një intervistë televizive me gazetaren e NBC-së, Kristen Welker, pas një debati të ashpër mbi pretendimet e tij për parregullsi në zgjedhjet e Kalifornisë.
Gjatë emisionit “Meet the Press”, Trump deklaroi se procesi zgjedhor në shtetin amerikan është i manipuluar dhe se ka probleme me numërimin e votave. Megjithatë, kur u pyet nga moderatorja për prova konkrete që mbështesnin këto akuza, ai nuk paraqiti fakte, duke u shprehur se mbështetej te ajo që “shihte dhe dëgjonte”.
Biseda u tensionua më tej kur Welker kundërshtoi pretendimet e presidentit dhe theksoi se procesi i numërimit të votave në Kaliforni zhvillohet sipas rregullave dhe procedurave të përcaktuara.
Në kulmin e debatit, Trump sulmoi moderatoren dhe median në përgjithësi, duke i akuzuar për mungesë objektiviteti dhe korrupsion.
“Ose je budallaqe, ose e korruptuar”, i tha ai gazetares gjatë intervistës.
???? OMG. President Trump CUTS OFF and WALKS OUT of a Kristen Welker interview
— Eric Daugherty (@EricLDaugh) June 7, 2026
He looks her in the eyes and tells her SHE'S A LIAR, then storms off!
"The elections are like a 3rd world country. YOU'RE CROOKED...let's call it QUITS. I've HAD ENOUGH."
WELKER: Please, I traveled… pic.twitter.com/dO37B7WPRS
Pak çaste më vonë, presidenti vendosi të ndërpresë bisedën dhe të largohet nga studioja.
“Le ta lëmë këtu, sepse u mërzita. Faleminderit, e dashur, kalofsh mirë”, tha Trump, përpara se të hiqte mikrofonin dhe të largohej, ndërsa moderatorja përpiqej të vazhdonte intervistën.
Lini një Përgjigje