FLASH
Shkruar nga Pamfleti
Jo vetëm në Gjermani, Franc Bekenbauer ishte një mit edhe në Shqipëri, një lojtar që bëri me mijëra tifozë të përfaqësueses gjermane edhe në vendin në tonë, mbi të gjitha në Shkodër. Të takoje Bekenbauer ishte një fat i madh, aq më tepër në Shqipërinë e atyre viteve.
Çesk Shllaku, ishte një prej tyre, një fotoreporter që pati fatin jo vetëm të takonte yllin gjerman, por edhe ta shoqëronte në Shkodër dhe në Tiranë, në vizitën e tij në mars të vitit 1983, vizita e tij e parë jo si lojtar, por si gazetar, si zyrtar. Shllaku kujton për “News Sport” me nostalgji ato momente:
“Mua më dukej si ëndërr. Vetëm fotografia më hoqi ëndrrën, po të mos bëja foto, nuk do isha në gjendje të perceptoja se me kë isha aty. Edhe kur fliste, fliste me qetësi.
Bekenbauer nuk e kishte harruar kohën kur luante kundër Shqipërisë, madje në rikthimin e tij kërkonte me insistim të takonte Sabah Bizin, legjendën e futbollit shqiptar, dikur rival në fushë me Bekenbauerin:
“Kërkonte Sabah Bizin për ta takuar, i ishte fiksuar. Kur la sportin Sabah-u, u bë një ngatërresë e vogël. Ai këmbëngulte, pra e kërkonte me çdo kusht”.
Në intervistën e tij për gazetarin Senad Nikshiqi, Shllaku kujton edhe momentin se si e pritën tifozët në stadium Bekenbauerin.
“Stadiumi, sapo ka hyrë, është çuar në këmbë i gjithë populli. Nuk dihet se ku e kanë dërguar më pas, me polici, apo me kështu…Nuk e kam parë më. Stadiumi u ngrit peshë, e pashë, dukej gjithçka. Të gjithë brohorisnin emrin e tij dhe i bëhej qejfi”, tha fotoreporteri Çesk Shllaku.
Lini një Përgjigje