FLASH
Shkruar nga Pamfleti
Brajan Gruda nuk do të qendrojë te Lajpcigu, pasi klubi gjerman ka vendosur të mos blejë kartonin e sulmuesit. Lajmi është bërë i ditur nga gazetari Florian Pletenberg, i cili konfirmon se futbollisti do të rikthehet te Brajtoni pas përfundimit të huazimit.
“Brajan Gruda do t’i thotë zyrtarisht lamtumirë Lajpcigut të shtunën. Huazimi i tij skadon dhe nuk ekziston asnjë opsion blerjeje”, shkruan Pletenberg.
Sipas tij, drejtuesit e Lajpcigut kanë mbetur të kënaqur me paraqitjet e lojtarit, i cili gjatë kësaj periudhe regjistroi tre gola dhe tre asiste.
“Lajpcigu është i kënaqur me të, por tani ai do të rikthehet te Brajtoni pas tre golave dhe tre asisteve. Një tjetër huazim nuk është opsion për Brajtonin, përveç rasteve kur përfshihet detyrim blerjeje”, thekson gazetari gjerman.
Pletenberg shton gjithashtu se aktualisht Lajpcigu nuk ka buxhetin e nevojshëm për të realizuar një transferim përfundimtar të Grudës.
“Për momentin, Lajpcigu nuk ka mundësi financiare për një blerje të përhershme të Grudës. Mbetet të shihet edhe se cili do të jetë plani i Brajtonit për lojtarin”, përfundon ai.
???????? Brajan #Gruda will officially bid farewell to RB Leipzig on Saturday. His loan expires and there is no option to buy.
— Florian Plettenberg (@Plettigoal) May 8, 2026
Leipzig are happy with him, but for now he will return after 3G/3A. Another straight loan is not an option for Brighton - only with an obligation to buy. A… pic.twitter.com/ij3RA7YVmv
Lini një Përgjigje