FLASH
Shkruar nga Pamfleti
Juventusi po shqyrton mundësinë e shitjes së Edon Zhegrovës pas vetëm një sezoni me fanelën bardhezi. Sipas raportimeve të fundit nga mediat italiane, klubi torinez ka vendosur një çmim fillestar prej 12 deri në 13 milionë euro për sulmuesin kosovar.
Situata e Zhegrovës konsiderohet delikate në aspektin financiar, pasi drejtuesit e Juventusit synojnë të rikuperojnë një pjesë të investimit të bërë për transferimin e tij. Ndërkohë, e ardhmja e sulmuesit tjetër, David, pritet të vendoset gjatë merkatos së verës.
Zhegrova iu bashkua Juventusit si lojtar i lirë, por kostoja totale e operacionit, përfshirë komisionet dhe bonuset e nënshkrimit, arriti rreth 12 milionë euro. Kjo do të thotë se një transferim gjatë muajit korrik me shumën e kërkuar do t’i sillte klubit vetëm një fitim minimal financiar.
Klubi italian po planifikon ndryshime në përbërjen e skuadrës për sezonin e ardhshëm, me synimin për të balancuar financat dhe për të krijuar hapësira për afrime të reja gjatë merkatos verore.
Lini një Përgjigje