FLASH
Shkruar nga Pamfleti
Ndodh edhe kështu, të arrestohesh në mes të fushës duke luajtur. Një futbollist i ri 24-vjeçar është arrestuar gjatë një ndeshje futbolli amator në Brazil. Pamjet tregojnë aksionin e policisë që ndërpreu ndeshjen.
Policia e largoi nga fusha futbollistin ndaj të cilit rëndojnë akuza shumë të rënda. Një video e publikuar më pas në rrjete të ndryshme sociale, e filmuar nga disa spektatorë në tribuna, tregon të riun që merret nga oficerët e policisë gjatë ndeshjes mes Mutum dhe Durande për “Copa do Café”.
Policia kishte marrë informacion për praninë e tij në ndeshje, ndaj mbërritën në fushë, ndërprenë lojën dhe e prangosën lojtarin. Sipas policisë, 24-vjeçari dyshohet për disa krime. Ndaj tij ka pasur një urdhër arresti parandalues.
Urdhër arresti i lëshuar ndaj tij e identifikon atë si drejtuesin e dyshuar të një klani të egër të trafikut të drogës në zonën Espirito Santo. Po ashtu, ai akuzohet se është pjesë e një klani vrasësish nga Vitoria, të cilët organizuan një atentat kundër një rivali disa javë më parë.
Policia ushtarake e Minas Gerais konfirmoi më pas për mediat lokale se futbollisti ishte prej kohësh i njohur për policinë, sepse kishte precedentë kriminalë duke përfshirë sulme, kërcënime, trafik droge dhe krime të lidhura me armë zjarri.
Um jogador foi preso durante uma partida de futebol amador em Mutum, a 380 km de Belo Horizonte. Um vídeo feito no local mostra o homem sendo levado pelos policiais durante o jogo entre Mutum e Durandé, pela Copa do Café. pic.twitter.com/fnhSjAF1KF
— Record Minas (@recordtvminas) March 5, 2024
Lini një Përgjigje